Ինտերնետն առանց մկնիկի. արագ հրամաններ սոցցանցերի համար

Եթե անգամ մկնիկի հետ կապված խնդիր չունեք, հաստատ մի օր պետք կգա իմանալ, թե ինչպես օգտվել սոցիալական ցանցերից ստեղնաշարային արագ հրամանների միջոցով: Այսպիսով` 
Ինչպես օգտվել Ֆեյսբուքից ստեղնաշարային հրամանների միջոցով.

Սեղմեք նկարի վրա` մեծացնելու համար

Read more »

SkՀԱՅpе. Ինչ են անում հայերը Skype-ով

Հայաստանում ինտեռնետի տարածմանը մեծապես նպաստում է նաև Skype-ը, որովհետև հայերը իրենց դրսի բարեկամների ու հարազատների հետ շփվելու կարիք ունեն: Շատերը համակարգիչ են գնում ու ինտեռնետ միացնում զուտ դրա համար: Սակայն ինչպես ցանկացած նոր բան, հայերը Skype-ը նույնպես յուրովի են ընդունել ու յուրովի են օգտագործում: Ներկայացնեմ 10 զվարճալի վիճակներ, որ առաջանում են հայերի մոտ Skype օգտագործելիս.

1. Մենակ հայ կանայք ու աղջիկներն են, որ հանկարծ նոր շորեր առած լինեն, սկայպով խոսելիս բերում են, ցույց են տալիս, մեկմեկ նույնիսկ հագնում են, որ տեսնեն սազում է թե չէ :Ճ

Read more »

Նորամուծությունները PES 2012-ում

PES 2012: Իմ կարծիքով Հայաստանում առավել տարածված ֆուտբոլային սիմուլյատորը, որին ամեն տարի աշնանը սպասում են անհամբերությամբ, և միշտ սպասում են ավելին: Չնայած խաղը պաշտոնապես թողարկվել է մոտ մեկ ամիս առաջ, և շատերդ արդեն հասցրել եք վայելել, ամեն դեպքում փորձեմ ներկայացնել նոր տարբերակում տեղ գտած նորամուծություններն ու փոփոխությունները: Ահա թե ինչ են առաջարկում մեզ ճապոնացիները առաջիկա մեկ տարվա համար.

Read more »

Երկրաշարժը ցնցեց բջջային օպերատորներին

Տակավին պատանի` էն տառապալից խակ ռոմանտիկայի շրջանում մի այսպիսի միտք էր միշտ առաջանում. տեսնես որ երկրաշարժ լինի, առաջինը ում պտի զանգեմ??? Հա էլի, մեկը պտի լինի, որ էդ պահին առաջինը իր համարը հավաքեմ ու զանգեմ: Ու երկրաշարժի հետցնցումները շարունակվելու են իմ սրտում, մինչև էն պահը, որ վերցնի ու ասի "ալո",  իմանամ, որ լավ է, ու հանգստանամ..

Էսօր, մեր բջջային օպերատորները փշրեցին իմ մեջ ևս մի մանկական միտք :Ճ Հույս չունենամ, թե թեկուզ թեթև երկրաշարժից հետո հնարավոր կլինի մեկին զանգել: Երկրաշարժից այս պահին անցել է արդեն 5 ժամ, ու մինչ հիմա չեմ կարողանում մի զանգ կատարել: Լավ է, գոնե ինտերնետ կա, ու գիտեմ, որ այդ մեկը, ում պիտի զանգեի, լավ է :))

Read more »

Գյումրու օրը

Գյումրու օրն էր, էս տարի էլ հոկտեմբերի 22-ին: Ինչ սկսել եմ հասկնալ, որ քաղաքը կռնա իրա օրն ունենա, միշտ ուզեցել եմ ջոկեմ, թե ինչղ կեղնի, որ ամեն տարի տարբեր օր կեղնի մեր քաղաքի օրը: Փորձել եմ էն մաթեմատիկական խնդիրների պես օրինաչափությունը գտնիմ ու մյուս տարվա օրը որոշեմ, բայց միշտ չի ստացվե: Է որտեվ չկա օրինաչափություն, կամ էլ ըդպես բարդ բանաձևերը մենակ մեր քաղաքապետը գիտե: Ավելի հեշտ է քաղաքի օրվա մասին իմանալ սպես` հենց փողոցներին դրոշներ զարկեցին, ուրեմն մե 4-5 օրից քաղաքի օրն է: Համել հարմարվել ենք արդեն.. Համել էդ էսքան վախտ ինչ է եղե, որ չենք հարմարվե.. Ժաժքից հետո լեննագանցիները ամեն ինչի էլ կհարմարվին: Բա ինչ էնեին, ուրիշ ճար չկար: Խառն էր ժողովուրդը, չէր հասկնա ինչ կկատարվի, չէր կողմնորոշվի` ինչ էներ.. Իսկ ով էլ էն վախտ կողմնորոշվավ, հմի ոչ թե կհարմարվի, այլ կհարմարցնե մյուսներին իրան.. քաղաքի օրն էլ իրան կհարմարցնե..
Հենց էդ պատճառով` գիտեինք, որ էս տարի քաղաքի օրը մյուս տարիների պես չի եղնի, քիչմ համեստի մեջ կեղնի.. Էս տարի արձան-մարձան էլ չկար բացելու, ստիպված թազա օբյեկտ բացին.. Հերիք է դե, էս տարի էլ թող սպես եղնի, բան չկա..
Դե ժողովուրդն էլ առաջվա հավեսը չունի.. հրապարակը լիքը ասեղ քցելու տեղ կար :Ճ եկածներն էլ շատը գյուղերի ժողովուրդն էր.. դե հարմարվելը հարմարվել, բայց ժողովուրդ է վերջը, կամացից ուշքի գուկա, կզարգանա, ու ամեն անգամ էդ մե համերգով խաբել խոմ չի ստացվի..
Ուրեմն հուսանք ըմբես եղնի, որ հետագայում քիչմ էլ մեզի հարմար եղնի..
ՇՆՈՐՀԱՎՈՐ ԳՅՈՒՄՐԻ ՋԱՆ!

Read more »

Հայաստանի հավաքականը ՖԻՖԱ-ի վարկանիշային աղյուսակում

Այսօր ՖԻՖԱ-ն հրապարակեց հավաքականների նոր վարկանիշային աղյուսակը: Վերջին երկու հանդիպումներից հետո մեր հավաքականը նահանջել է 2 տեղով և այժմ զբաղեցնում է 46-րդ հորիզոնականը: Չնայած նահանջին` արդյունքը բավականին պատկառելի է: Համեմատելու համար նշեմ, որ մեր հավաքականը այժմ ունի ավելի բարձր դիրք, քան աշխարհի կամ Եվրոպայի առաջնություններին բազմիցս մասնակցած Կամերունի, Չեխիայի, ՀԱՀ-ի, Էկվադորի, Ուկրաինայի և Լեհաստանի հավաքականները: ԱՊՀ երկրների հավաքականների մեջ Հայաստանը առաջ է թողել միայն Ռուսաստանին: Մեր տարածաշրջանից Վրաստանը զբաղեցնում է 67-րդ, իսկ Ադրբեջանը` 117-րդը: ՈՒԵՖԱ-ի գոտու երկրների շարքում Հայաստանը 26-րդն է:

Read more »

Սուտի թռենդամանիա

Վերջերս ինտեռնետային աշխարհում անիմաստ խառնաշփոթ է տիրում: Այն շատ է նեղացել, ինֆորմացիան հսկայական է, բայց թեմաները մի քանիսը ընդամենը: Դրանցից մեկն էլ Սթիվ Ջոբսն է: Թե այ հայ ժողովուրդ ջան, մեզ ինչ, էդ մարդը մեզ համար ինչ է փոխել, որ էսքան շուխուռ եք կապել.. Էս նկարը իմ կարծիքով լրիվ բնութագրում է մեր ու Սթիվ Ջոբսի հնարավոր հարաբերության բնույթը..

Թարգեք թռենդամանիան, ժող!!!

Read more »

Հայաստան 4-1 Մակեդոնիա. սովորելու շատ բան ունենք

Հայաստանի հավաքականը փոխում է հայկական կյանքը, հայի առօրյան, փոխում է աշխարհը հայի աչքերում: 11 հոգին խաղադաշտից համախմբում են միլիոնավոր մարդկանց ամբողջ աշխարհից: Մարդիկ, ում համար ֆուտբոլը առհասարակ հարազատ չի եղել, այսօր արդեն գամվում են էկրանների առաջ, ու երկրպագում մեր տղաներին: Մոլի ֆուտբոլասերների համար ընդհանրապես, մեր հավաքականի խաղերը տոների են վերածվել: Ամեն ինչ նոր է բոլորի համար... Ֆուտբոլից հեռու մարդկանց համար նոր է գոլի բերկրանքը, իսկ մոլի հայ ֆուտբոլասերի համար նոր է չորրորդ գոլի բերկրանքը: Ու նմանապես նոր է շատ ու շատ այլ բաներ, որոնց պետք է սկսենք արդեն ընդունել որպես մեր կյանքի մի մաս, ընդունել որպես կյանքի սովորական ընթացք, քանզի ՀԱՅԱՍՏԱՆԻ ՀԱՎԱՔԱԿԱՆԸ այսուհետ բարձրակարգ թիմ է: Այո, պետք է դրան սովորենք:

Read more »

Ինչ է կատարվում Ֆեյսբուքում 1 րոպեի ընթացքում

Read more »

Հայկական կորպորատիվ մշակույթը

Այս գրառումը տեսա Գյումրու ծաղկի սրահներից մեկում.

Դժվար է ասել, սա ուղղակի կրեատիվ մարկետինգի դրսևորում է, թե հայի անկեղծ ցանկություն...

Հ.Գ. Որ գրել են, մի բան գիտեն, անպայման այստեղից առեք!! :))

Read more »

Հայկական թղթադրամները

Ինտեռնետում գտա սրանք, հիշեցի մանկությունս, հիշեցի վճարահաշվարկային համակարգի մասին մեր այսօրվա լեկցիան, ու հիշեցի նաև, որ մեր հանրապետությունը արդեն 20 տարեկան է..  20 տարի, ու արդեն կան բաներ, որ կամաց-կամաց սկսում ենք մոռանալ..  մի խոսքով` ՀՀ դրամը.

10 դրամ. ծամոնի փող :Ճ

Read more »

"Ծեր Սենյորան" նոր տուն ունի

"Յուվենտուսի" երկրպագուները, իհարկե, շուտ չեն մոռանա "Դելլե Ալպի" մարզադաշտը, որտեղ վերջին 20 տարիներին թիմը կերտում էր իր փայլուն պատմությունը: Սակայն, հուսով եմ, ապագա, ու արդեն շատ մոտ նվաճումները նույնքան սիրելի կդարձնեն նոր` "Յուվենտուս Արենա" մարզադաշտը, որը պաշտոնապես բացվեց սեպտեմբերի 8-ին:
"Յուվեի" նոր մարզադաշտը կառուցվեց նախկին "Դելլե Ալպիի" տեղում, որը քանդվեց 2006թ-ին: Այն բացվել էր 1990թ. աշխարհի առաջնության ժամանակ և տեղավորում էր 70 հազար երկրպագու, սակայն տրիբունայի շատ հատվածներ շատ հեռու էին խաղադաշտից` վազքուղու պատճառով, որն ընդհանրապես չէր օգտագործվում: Բացի այդ "Յուվեն" "Դելլե Ալպին" կիսում էր "Տորինոյի" հետ:

Read more »

Սլովակիա - Հայաստան 0-4 /վիդեո/

Այսօր հայ ազգս երջանիկ է քնելու: Շատ չեն այնպիսի առիթները, որոնք կարող են մեր երկրում ուրախացնել բոլորին անխտիր, սակայն այսօր ունենք այդ առիթը: Հայաստանի ֆուտբոլի հավաքականը Եվրո-2012-ի ընտրական փուլի հերթական խաղում մրցակցի հարկի տակ ջախջախեց Սլովակիայի հավաքականին` պահպանելով եզրափակիչ դուրս գալու շանսերը:
Չեմ ուզում փչացնել այս ամենը Ռուսաստանի հավաքականի` մեզ համար անհաջող արդյունքի, կամ մրցավարի ով լինելու մասին խոսելով: Մերոնք այսօր, իրոք, ամեն ինչ արեցին ինքնուրույն, ինքնուրույն հրաշք գործեցին, որին չի հավատում ողջ աշխարհը, որից սովորել են փորձելու շատերը: Ամեն ինչ հրաշալի էր` թե ֆուտբոլային, թե գաղափարային իմաստներով: Մեր ֆուտբոլիստները փայլեցին խաղադաշտում այնպես, ինչպես հաղթանակի մեծ ցանկությունն էր փայլում իրենց աչքերում:

Սլովակիա 0-4 Հայաստան

Read more »

Նախաճաշ պինգվինների համար

Եթե արդեն էն կարգի եք պինգվինացել, որ ամեն ինչի մեջ ռոմանտիկա եք ման գալիս, առաջարկում եմ նախաճաշի այս հետաքրքիր տարբերակը.

Հ.Գ. սիրեք իրար!

Read more »

Բլոգիս ատամնահատիկը

Բարև ժող!

Բլոգս էսօր արդեն մեկ տարեկան դարձավ: Էն ժամանակ, դեռ ահագին ավելի ամբիցիոզ, քան հիմա, արեցի իմ առաջին պոստը: Ամեն ինչ սկսեցի 0-ից, ամեն ինչ ինքս սովորեցի, ու սկսեցի իմ ուղին հայ բլոգոսֆերայում: Սկսեցի հայհոյել, հետո սկսեցի մեր լավ գործերի մասին պատմել, էդպես կամաց-կամաց սկսեցի թափ հավաքել: Հայհոյելը, ցավոք, սովորություն դարձավ, բայց միաժամանակ սկսեցի նաև երևակայել: Հետո հասկացա, որ մոդա է օդնոկլասնիկի մասին պոստ գրելը: Չզսպեցի ինձ, ու մի հատ էլ ֆուտբոլային ռեպորտաժ "ծաղկեցրեցի" :Ճ : Հետո էլ փորձեցի հասկանալ, թե ինչպես չծուլանամ ավելի շատ գրեմ: Բայց, ժամանակները փոխվում են, ու ես էլ հետը: Ինչ խոսք, հայհոյելը թարգեցի, սկսեցի ՊԵՍ խաղալ: Սկսեցի լուսանկարել ամեն պատահած ապուշություն :Դ Քֆռտոցս վերականգնեցի ուրիշ ոլորտում: Ստեղծագործեցի :ՃՃՃ Ծիծաղս եկավ: Դե բիլայնի սռոկս էլ քաշեցի, ու մի հատ էլ մոբեցի: Էդքանից հետո էլ ես բան չարեցի, տղեքը սաղ արեցին տեղս :Դ Կարոտեցի ձյանը, բայց փորձեցի շատ չնեռվայնանալ: Տարեվերջին կիսվեցի հետներդ, փորձեցի Սանտայի վրա բոցալ, համ էլ Food bankir էի: Տարին փոխվեց, ու մի տեսակ քունս չէր տանում: Ինչ-որ հարցեր էին ինձ տանջում: Ու հասկացա, որ սաղ մենք ենք մեղավոր: Ամեն ինչ *ա* էր, բայց դե ոչինչ, աշխարհի վերջը չէ:
Էս ամեն ինչն էլ երևի պետք էր հասկանալու, թե ինչ է երջանկությունը:
Ու այսքանը տևեց մեկ տարի: Հետաքրքիր էր ամեն ինչ: Բացառիկ էր թվում ինձ բլոգոսֆերան, բայց շուտով հասկացա, որ այնտեղ էլ այնպես է, ինչպես իրական կյանքում: Ու դա էլ հիասքանչ է: Ուղղակի պետք է հասկանալ, որ այստեղ էլ կարող ես երջանիկ լինել, եթե փորձես մարդկանց ուրախացնել կամ ուղղակի օգտակար լինել: Ու հեչ էլ կապ չունի բլոգի PR-ը, կամ այցելուների քանակը, կամ էլ նմանատիպ բազմաթիվ "բլոգեռսկի շտուչկեքը":
Շնորհակալ եմ ձեզ, ժող, իմ բլոգը այցելելու համար, ու այսուհետ էլ, կփորձեմ դնել նրա ամեն մի պոստի մեջ մի փոքր սեր, այնպիսին, ինչպիսին կա իմ այս տորթիկում:

Read more »

Ինչ է երջանկությունը.

Որ առավոտ Չարթնանամ ու մեկից սուրճ ուզեմ.

Բայց ումից, դու ախր ինձանից ալարկոտ ես..

Read more »

200 մլն թվիթ ամեն օր...

Թվիթերը, պարզվում է, վերջերս դարձել է ոչ միայն իմ, այլ միլիոնավոր այլ մարդկանց ամենասիրելի սոցիալական կայքը: Թվիթ անելը կամ թվիթելը սկսում է դառնալ կյանքի բնականոն ընթացքի համար անհրաժեշտ գործողություն: Ու ինչպես պնդում է ինքը` Թվիթերը, 2011-ի կեսին արդեն մարդիկ այդ գործողությունը օրական անում են ընդհանուր հաշվով 200 մլն անգամ: 2009-ի հունվարին այդ թիվը ընդամենը 2 մլն էր, մեկ տարի անց` 69 մլն: Իսկ հիմա միջին հաշվով թվիթերում յուրաքանչյուր վայրկյանում կատարում են մոտ 2300 թվիթ: Որպեսզի գոնե մոտավոր պատկերացնենք այդ ծավալը, Թվիթերը նշում է, որ օրական 200 մլն թվիթը դա նույնն է, ինչ 8163 օրինակ Լև Տոլստոյի "Պատերազմ և խաղաղություն" գիրքը, և այդքան ինֆորմացիան կարդալու համար անհրաժեշտ է մոտ 31 տարի:
Թվիթերը հրապարակել է նաև 2011-ի առաջին կեսի ամենատարածված թրենդները.
1. AH1N1 - խոզագրիպ
2. Mubarak - Եգիպտոսի երբեմնի առաջնորդը
3. Easter - Զատիկ
4. Cairo - Եգիպտոսի մայրաքաղաք Կահիրե
5. #prayforjapan - Ճապոնիայի երկրաշարժից հետո տարածված աղոթքի կոչը
6. Chernobyl - Չեռնոբիլ
7. Libia/Libya - Լիբիա
8. Fukushima - Ճապոնական հայտնի ԱԷԿ-ը
9. William & Kate - Արքայական հարսանիքը
10. Gadafi - Լիբիայի քաղաքական առաջնորդը
Թվիթերը անցյալ ամիս սկսել է աշխատանքները նկարների տարածման նոր համակարգի վրա: Նախատեսվում է նաև գործարկել փնտրման նոր համակարգ, որում բացի թվիթներից միաժամանակ կհայտնվեն նաև նկարներ և տեսանյութեր:
Մի խոսքով #ILoveTwitter

Հ.Գ. Համ էլ հետևեք ինձ Թվիթերում, էդ օրական 200 մլն-ից մի 20 հատն էլ ես եմ անում :Ճ

Read more »

Հունիսի 30.. ես վերադառնում եմ..

1. Քեռի
2. Հուզված կազմակերպիչ
3. Պարող խելառ
4. Մոլորյալ
5. Արկածախնդիր  ու ռոմանտիկ անհաջողակ
6. Հուզառատ ընկեր
7. Քարսիրտ ալկաշ
8. Պինգվին
9. Պռիզիվնիկ պինգվին
10. Կանխատես պինգվին
11. Լազված ապուշ
12. Ապ ջան
13. Այո, ինչ խոսք, ընկեր
14. Թոշակի անցնելու պատրաստ ալկաշ
15. ուղղակի շնչավոր
16. զեմ..
17. Ուխական, ամեն դեպքում
18. Твиттерянин..
19. Ռոզի ախպեր :Դ
20. Նավակ
21.человек общественный!
22.Անզոր պինգվին
23. Անպիտանник
24. Ընկերոջ ընկեր
25. Բլդո
26. Jagger
27. NYET!
28. Վեռբովկա եղած պինգվին
29.Ծերունի
30. Բլոգգեր
Սա էն բոլոր դերերն են, որում հայտնվեցի անցած ամիս.. Կյանքս մասշտաբային փոփոխություններ կրեց, բայց թե..  հուսով եմ, մյուս ամիս արդեն կկարողանամ 30-րդ օրվանը բոլոր մյուս օրերի վրա տարածել...

Հ.Գ. Էս պոստը արեցի, որ հունիս ամսին էլ պոստ ունենամ.. 

Read more »

Աշխարհի վերջը

Երեկ երեկոյան մի պահ Blogger-ն ու Twitter-ը միաժամանակ շարքից դուրս էին եկել: Հենց էդ պահին զգացի, թե որն է իսկական աշխարհի վերջը: Խնդրեմ.

Մեծացնել

Read more »

Campions La Liga 2010-11

Չգիտեմ, ուրբաթ-13-ի հետ էր կապված, թե ռեալիստների նավսն էր, երեկվանից Blogger-ը չէր աշխատում, որ վերջապես այստեղ էլ ողողեի կապտանռնագույն ցնծությամբ... 

Բայց սպասելն էլ անիմաստ չեղավ, քանզի այսօր երեկոյան Բարսան, չեմպիոն հռչակվելուց 2 օր անց, դուրս եկավ Բարսելոնայի փողոցներ` տոնելու երրորդ անընդմեջ չեմպիոնական տիտղոսը: "Campions" ավտոբուսը ավելի քան 1 ժամ ու կես պտտվեց կատալոնյան մայրաքաղաքի փողոցներով, ու ֆուտբոլիստները ողջունեցին ու շնորհակալություն հայտնեցին իրենց մոտ 350000 երկրպագուների:

Իսկական տոն էր, երաժշտությունը չէր դադարում. գարեջուր, պարեր, շարֆեր, դրոշներ, գլխարկներ, և նույնիսկ տեղական ոստիկանությունն էր միացել զվարճանքին:

Read more »

Շիրակի պարտության ու նվաճումների մասին

Հայաստանի գավաթի եզրափակիչում Շիրակը ցավալի պարտություն կրեց Միկայից: Իսկ ես չկարողացա էլ ուրախանալ էն փաստով, որ առաջին անգամ հայտնվել էի Հանրապետականում, առաջին անգամ մարզադաշտից "մեծ" ֆուտբոլ էի դիտում, բայց փոխարենը ուրախացա, որ մարզադաշտում ինձ կարծես Գյումրիում էի զգում, ամենուր գյումրեցիներ էին, ու ամեն կողմից "ծո ապ ջան" էր լսվում:
Այո, անցան այն ժամանակները, երբ  "Շիրակ" գոռալիս ողջ մարզադաշտը ոչ միայն կլսեին քո ձայնը, այլ նույնիսկ կճանաչեին.. ողջ մարզադաշտը` այդ 10-15 հոգին.. հիմա արդեն Շիրակի արտագնա գավաթային խաղին ներկա է 800-1000 գյումրեցի, ու ողջ մարզադաշտում նրանց ձայնն է, նրանց ոգին.. Նրանցից շատերը նույնիսկ չգիտեին էլ, որ Շիրակին էդքան մեծ ցանկությամբ երկրպագում էին.. ուղղակի եկավ, հասունացավ պահը, ու բոլորը հասկացան... այդ թվում` ԵՍ: Հա, Շիրակը դա ես էլ եմ...

Կարծում եմ հիմա կարևորը դա է.. ծնկի եկած Գյումրին ֆուտբոլային իմաստով կարծես երկրորդ անգամ էր ծնկի եկել, ու հիմա կրկին վեր է կենում.. իսկ արդյունքը ժամանակի ընթացքում կլինի, հաստատ...
Պարտությունը, ճիշտ է, տխրեցրեց, բայց չհիասթափեցրեց մեզ: Հավատում և սպասում ենք ապագա նվաճումներին!
Իհարկե, այս գործում ամենամեծ ներդրումն ունի Շիրակի նոր ղեկավարությունը, ու իրոք ողջ Գյումրին երախտապարտ է նրանց: Շնորհակալ ենք անչափ!
Մենք էլ փորձենք ավելի ակտիվ աջակցել մեր թիմին: Կարող եք այցելել Շիրակի պաշտոնական կայքը, ինչպես նաև հետևել ֆեյսբուք էջին, բայց, իհարկե, մեր ֆուտբոլիստները ամենից շատ մեզ սպասում են մարզադաշտում... ՇԻՐԱԱԱԱԱԱԱԱԱԿ!!!!!!

Read more »

Boom Boom, ՔԱՔԱ ՔԱՔԱ

Հա, ես զզվում եմ Էմմիից, ու հիմա հարմար առիթ է, որ զզվանքս մի լավ արտահայտեմ.. ու ոչ միայն Էմմիից, էն բոլոր մարդկանցից, որոնք այս կամ այն կերպ, իրենց կենցաղային ուղեղով որոշումներ են կայացնում Հայաստանը աշխարհում ներկայացնելու մասին...



Ինչ է ասելիքս.

1. Այսպիսի հարցերում խաթրով չեն առաջնորդվում.. եթե անցած տարի նույն խաթրով, կամ այլ գործոններով Էմմին չգնաց, դա դեռ չի նշանակում, որ այս տարի նա վաստակել էր գնալու իրավունքը: Չեմ էլ ուզում անդրադառնալ, կար արդյոք այլ թեկնածու, էդ արդեն հեչ կարևոր չէ..
2. Երբ տարիներ առաջ Հայաստանը սկսեց մասնակցել Եվրատեսիլին, բոլորն ասում էին , որ Եվրոպան այդ ժամանակահատվածում առավել նախընտրում է ակտիվ ռիթմիկ երաժշտություն: Անցավ 5 տարի, ու հայերի բոլոր երգերը, բացի Հայկոյինից, ընտրվում են այդ տրամաբանությամբ: Բայց ժող, վեեերջ, Եվրոպան վաղուց զզվել է էդ ցքցքոցից.. Գոնե անցած տարի պետք է պարզ դառնար, որ եվռոպացիները լրիվ ուրիշ կարգի երգեր են լսում, այնպիսիք, որոնք մենք որակում ենք որպես "անիմաստ երգ".. դա հասու չէ մեզ, ուրեմն պետք է ոչ թե տանջվել հասկանալու համար, թե ինչ են իրենք ուզում, այլ ուղղակի մերը մատուցել.. 
3. Էմմիին չեմ սիրում, ինչ ասեմ.. ինքը էնքան էլ լավ անհատականություն չէ, որովհետև ըստ իս ինքը սեփական կարծիք չունի, ուղղակի փորձում է տարբեր շաբլոն ձևերով որոշակի կերպար ստեղծել ու մարդկանց դուր գալ.. ու դա բեմում էլ է երևում, երևալը որն է, զռռում է...
4. Հիմա շատերը սկսել են ամեն անգամվա պես ասել, որ եվրատեսիլը քաղաքական մրցույթ է.. եթե դա էդպես է, ուրեմն ավելի վատ մեզ համար.. հիմա արդեն քաղաքականով էլ ենք պարտվում:

Էսքան բան.. ուղղակի սովորել էինք էլի, միշտ եզրափակիչում էինք, հավես էր, ազգը ուրախանում էր, սփյուռքը ակտիվանում էր, էդ քանի օրը Հայաստանում միշտ BOOM էր..

Իսկ հիմա ՔԱՔԱ...

Read more »

Օգնեք ընտրել ֆլեշ

Ֆլեշս կորցրեցի.. Նորն է պետք: Օգնեք ընտրել.

Ուտեեեիիիիիիի :Դ

Read more »

Twitter, թե Հայլուր

Հայերը շատ հետաքրքիր յուրացման կամ հայաֆիկացման մեխանիզմ ունեն, որը կլանում է ամեն ինչ ու մեծ մասը փչացնում: Իրոք, Հայաստանում այսօր կա համարյա ամեն ինչ, ինչ կա աշխարհում, զարգացած աշխարհում, բայց այստեղ ամեն ինչ դրսևորվում է մի քիչ այլ կերպ, ու մեծ մասամբ աղավաղված: Ու ցավոք նույնը պատահեց նաև ամբողջ աշխարհում այսօր շատ մեծ դեր ունեցող սոցիալական ցանցերի հետ:  Ափսոս..

Մարտի 17.... այդ օրը մի կերպ դիմացա.. 

Ապրիլի 8.. մտնում ես թվիթեր ու զզվելդ գալիս է.. Ուրիշ տեղեր մարդիկ թվիթերով հեղափոխություն են անում, իսկ ստեղ մարդիկ, իրենց կարծիքով ազգի համար մտահոգված լինելով, հեղափոխության վրա են ղժժում.. սաղ իրենց չեղած հումորի հաշվին փորձում են ձեռ առնել Լևոնի հանրահավաքը: Էն կարգի են անհանգստանում կեղտոտված փողոցների համար, կարծես միայն այդ աղբն է ինչոր կերպ այլայլում մեր երջանիկ կյանքը կատարյալ հանրապետությունում.. իսկ իշխանական աղբի մասին ոչ ոք չի հիշում??

Էն տպավորությունն է, որ իշխանությունները շատերին գումար է տվել հակալևոնական թվիթների համար.. հակահեղափոխական ֆրիլանս է էլի :Ճ 

Կամ լավ, ասենք կայֆ եք ստանում էդ մարդու վրա ղժժալով?  

Աբսուրդ է իհարկե, բայց ոնցոր մարդիկ իշխանությանն են շոպլիգնում... 

Ախր եթե էդ կարգի անհանգստացած եք մեր հայրենիքի ճակատագրով, միթե չեք տեսնում, թե ինչ երկրում ենք ապրում?? Չեք տեսնում, որ մեր իշխանությունները մեծ հաշվով ինչ ուզում անում են? ու ներքին ոչ մի գործոն չկա, որ կստիպի նրանց հաշվի նստել ժողովրդի հետ..  ու այսօրվա դրությամբ միակ մարդը, որ գոնե նման փորձ է կատարում, Լևոնն է... չեք օգնում իրեն, գոնե մի խանգարեք...

Չմտածեք թե ես լևոնական եմ... չեմ վստահում նրան, ու չեմ ուզում նա լինի մեր երկրի ղեկավարը, ու չեմ էլ հավատում, որ նա կկարողանա հեղափոխություն անել.. բայց նա գոնե իշխանություններին որոշակի զգաստության մեջ է պահում, ինչը այսօր շատ պետք է.. 

Ու քանի որ ես չեմ միանում նրան, ես նախընտրում եմ լռել... նախընտրում եմ լուռ հետևել թե ինչ է կատարվում, ու քանի որ ձեր հիասքանչ երկրի TV-ներից և ոչ մեկը ինձ չի ասելու, թե ինչ է կատարվում Մատենադարանի մոտ, ես կարծում էի, որ ինչոր բան կիմանամ գոնե թվիթերից.. Բայց չէ, դուք թվիթերն էլ հայլուր սարքեցիք!!!

Այ էս է #qaqvichak-ը...

Read more »

Սաղ մենք ենք մեղավոր...

Ամեն օր մտածում եմ մեր հավաքականի խաղի մասին, ներքուստ մի տեսակ ուրախություն եմ զգում, իսկ հետո անհանգստություն: Էսօր էլ մտածում էի, որ բլոգերը ջհանդամ, ես էլ ինչ ֆուտբոլասեր, որ անգամ ալարեցի մերոնց համար մի պոստ գրել: Մի քիչ էլ մտածեցի ու հասկացա, որ սաղ մենք ենք մեղավոր...
Հա, մենք ենք մեղավոր, որ էն օրը տղեքը չհաղթեցին.. ու ամենաշատը ես:
Իմ կարծիքով մեր հավաքականը հիմա հասել է փայլուն մակարդակի: Հայաստանի նման երկրում, որտեղ մարդ բացառիկ էնտուզիազմ պետք է ունենա, ու էլի ահագին դժվար հասանելի բաներ միջին մակարդակի ֆուտբոլիստ դառնալու համար, ստեղծվել է մի բացառիկ հավաքական, լուրջ եմ ասում: Խնդիրների մասին մտածել անիմաստ է, որովհետև դրանք չեն կարող չլինել: Բայց մեր հավաքականը իրոք շատ լավն է, նրանց պետք է ընդամենը մի քիչ ավելի շատ խաղալ իրար հետ, сыгранность կոչվածից, ու մենք, գուցե և, լուրջ հաջողությունների հասնենք: Իսկ ինչու գուցե?
Որովհետև մնացածը արդեն մեզանից է կախված, երկրպագուներից: Հիմա թող ստադիոնում եղած ու կոկորդ մաշած ոչ մեկը չմտածի թե թերագնահատում եմ իրենց.. հակառակը, շատ շնորհակալ եմ, սակայն կարծում եմ, որ մենք էլ պետք է փորձենք անել նրանց պես` ԱՆՀՆԱՐԻՆԸ: Պետք է նրանց հսկայական էներգիա փոխանցենք, ուրեմն նախ պետք է էդ էներգիան բորբոքենք, ստեղծենք..
Ու դրա համար էլ սաղ ես եմ մեղավոր: Մեղավոր եմ, որ շուտ չհետաքրքրվեցի որ տոմս ճարեի, մեղավոր եմ, որ դրոշով ու եռագույն ներկած դեմքով չնայեցի խաղը, մեղավոր եմ, որ մեր հիմնի ժամանակ շրջապատից դրդված ամաչեցի վեր կենալ, մեղավոր եմ, որ կամաց գոռացի, թեկուզ և նրանցից այդքան հեռու, մեղավոր եմ, որ չաղոթեցի նրանց համար...
Լավ էլի, մինչև վերջ չկարողացա 100% հավատալ, որ մերոնք հաղթելու են.. հաաա, սաղ ես եմ մեղավոր.....

Read more »

Մատնապոստ

Օ աշխարհ իմ, որ էս քանի օրը շատ խառն ես, սաղ օրը վազքի մեջ, քանի որ ավելի շատ կարծում եմ, որ դեպի անդունդն ես վազում, մի տեսակ պոզիտիվ բան ուզեցի.. ուզեցի և տրվեց.

Մատնապոզիտիվ

Read more »

ԱՆԻ-ն և ՆԱՐԵԿ-ը` ամենատարածված հայկական ֆեյսբուքյան անուններ

Ֆեյսբուք սոցիալական ցանցը վերլուծել է Եվրոպայում իր օգտագործողների անունները և կազմել ամենատարածված անունների ցանկը: Ճիշտ է, վերլուծությունը վերաբերում է ոչ թե ողջ բնակչությանը, այլ միայն ֆեյսբուք օգտագործողներին, բայց տվյալները այնուամենայնիվ հետաքրքիր են:

Տղաների անուններ

Read more »

Հարցեր, հարցեր, հարցեր...

Շատ պատասխաններ կան, որ մենք ուզում ենք ստանալ կյանքում, ու եթե աթեիստական գաղափարներով տարված չենք, ուրեմն այդ հարցերի մեծ մասը կապված է Աստծո հետ...

Օրեր առաջ, Վեհափառ հայրապետի հետ հանդիպումից հետո Գյումրի վերադառնալիս, ավտոբուսի մեջ սկսեցինք միմյանց կիսվել մեզ հուզող հարցերի մասին: Ճիշտ է, ավտոբուսյան ուրախ տրամադրությունը իր դերն ունեցավ, սակայն ավելի շատ իշխում էր հոգևոր մթնոլորտը, ու շատ հետաքրքիր զրույց ստացվեց, ինչպես նաև շատ հետաքրքիր հարցեր, որոնք էլ ցանկանում եմ ձեր ուշադրությանը ներկայացնել:

Այսպիսով, հոգևոր բնույթի ինչ հարցեր են հետաքրքրում գյումրեցի երիտասարդներին.

• Կա արդյոք դժոխք???
• Կտեսնեմ ինձ մեռած???
• Նախորդ կյանք կա արդյոք???
• Արդյոք լավ է, որ դրախտում բոլորը միասեռ են???
• Դատաստանի օր կա արդյոք???
• Կգա արդյոք Քրիստոսը 2012թ??
• Ինչքան է իմ հավատքի չափը??
• Ուրիշ Հիսուս կլինի???
• Աթեիզմը ճիշտ է???
• Ես սնահավատ եմ???
• Քանի տարեկանում կմեռնեմ???

Read more »

Ծաղրանկարներ #3. Մարզիչներ

Ֆուտբոլային ծաղրանկարների հերթական շարքով ներկայացնում եմ հայտնի մարզիչների ծաղրանկարները:

Դիեգո Մարադոնա: Արդյունք չկա, բայց կա սեր..

Read more »

Ինչպես դառնալ պուզատի. հայկական բանաձև

Չեմ կարծում, թե մեր երկրի կարկառուն փողատերերը երբևէ կարդացել են սա, բայց դասընկերուհիս կարդացել էր, ու կարծում եմ Ձեզ էլ հետաքրքիր կլինի: Չնայած շատերիս համար անկիրառելի է: Բայց շատերը, թեկուզ և ակամայից,  կիրառում են, ու հիմա լողում են փողերի մեջ: Ինչևէ...

Մենք բոլորս էլ ֆիզիկայից հիշում ենք, որ.

որտեղ`

     F-ը ուժն է, A-ն աշխատանքը, իսկ t-ն ժամանակը:

Read more »

Էլի հեռախոսս քրքրեցի

Շատ կայֆ զբաղմունք է, եթե ինչ-որ հետաքրքիր բան տեսնելիս նկարելու ու հետո էդ մասին մոռանալու հավես ունեք.. Լավ սկսենք.

Էս նկարը շատ ավելի լավն է դառնում, երբ պատկերացնում ես, թե էս մառշուտկի շոֆեռը սա տեսնելիս ինչ դեմք կընդունի... :ՃՃՃ

Read more »

Ֆեյսբուքյան անքնություն

Ողջ մարդկությունը գոռում է, թե ինտերնետը լրիվ կերել է էս աշխարհը, արդեն շատ է մտել մարդկանց կյանք, ու արդեն վտանգավոր է դառնում: Որոշներն էլ խելոք-մելոք գումարներ են աշխատում ցանցում: Բայց համարյա բոլորն էլ արդեն չեն պատկերացնում իրենց օրը առանց  ինտերնետի... Օրը հասկացանք, բայց գոնե գիշերըըըը... :'(

Երեկ գիշեր մինչև 2-ը ինտերնետում թափառած ու հետո մի 2 ժամ էլ պարապած պառկա քնելու: Էնքան հոգնած էի, թմրած, թվում էր միանգամից քնելու եմ: Արդեն ուղեղս մթագնեց, ու աչքիս առաջ կարծես եկան օրվա տպավորված պատկերները... Բայց մի վայրկյաաաան..

Read more »

2011 սկսվիիիիիիիիիիր!!!

2011-ը հետաքրքիր տարի դուրս եկավ արդեն... շատ կամակորն է.. կարծես ասում է` "իմ վրա հույս չդնեք".. կարծես ամեն ինչ իր հունով գնում է, դու ուզում ես միացիր, չես ուզում` մնա տեղումդ, բայց հունը փոխել չես կարող..
Իսկ 2010-ը գնում էր այնպես, ինչպես ես էի ուզում: Ամեն ինչ ենթարկվում էր ինձ, ինչ էլ որ չէր ենթարկվում, պարզվում էր, որ պետք չէ ինձ: Հրաշալի տարի էր: Գցեցի իմ հունը, հոսեցի, մեծացա, ու կամաց-կամաց մոտենում եմ օվկիանոսին.. Միախառնվելու եմ, "ընկնելու եմ աշխարհի ջրերը" :Ճ
Հենց իմ գցած հունով անցած տարի սկսեցի այս բլոգը: Շատ հետաքրքիր ընթացք ունեցա, ու, կարծում եմ, ոչ միայն ինձ համար: Իսկ էս տարի կարծես չէի կարողանում սկսել: Ճիշտ է, դժվար է դա անել ամանորյա թոհուբոհի մեջ, առավել դժվար էր դա անել խմած, բայց այն հիմնական պատճառը, որ ինձ խանգարում էր, դա կոմպս էր ու ինտեռնետիս խնդիրները: Դա էլ իրականում մի ավելի մեծ փոփոխության արդյունք էր, որը նշանակում է լրիվ նոր կյանք.. ուրեմն պետք է նորից սկսել: Էս պոստս հենց դրա համար է, որ սկսեմ: Դե հաջողություն ինձ!!!


Հ.Գ. Աչքիս արդեն հասնում եմ օվկիանոսին :Ճ

Read more »