"Յուվեի" նոր մարզադաշտը կառուցվեց նախկին "Դելլե Ալպիի" տեղում, որը քանդվեց 2006թ-ին: Այն բացվել էր 1990թ. աշխարհի առաջնության ժամանակ և տեղավորում էր 70 հազար երկրպագու, սակայն տրիբունայի շատ հատվածներ շատ հեռու էին խաղադաշտից` վազքուղու պատճառով, որն ընդհանրապես չէր օգտագործվում: Բացի այդ "Յուվեն" "Դելլե Ալպին" կիսում էր "Տորինոյի" հետ:
Որոշվեց կառուցել նոր մարզադաշտ, 2009թ-ին սկսվեցին աշխատանքները, և երեկ այն ընդունեց արդեն առաջին խաղը` "Յուվենտուս" - "Նոտս Քաունտի" (1-1): "Յուվենտուս Արենան" հիացնում է ինչպես իր ճարտարապետությամ, այնպես էլ հարմարավետությամբ: Այժմ տրիբունաներից մինչև խաղադաշտ հեռավորությունը կազմում է ընդամենը 7.5մ: Մարզադաշտը տեղավորում է 41000 հանդիսական, որոնց համար ստեղծված են բոլոր պայմանները` սնման կետեր, խանութներ, հարմարավետ նստատեղեր: Մարզադաշտի անվտանգությունը նույնպես բարձր մակարդակի վրա է. մարդաշատ ժամանակ մարզադաշտի էվակուացումը տևում է ընդամենը 4 րոպե!:
Մարզադաշտի բացումը իսկական տոն էր բիանկոներիներ համար: Բացման արարողությունը հրաշալի էր կազմակերպված: Դրան հետևեց ցուցադրական խաղը "Նոտս Քաունտիի" հետ, որից Յուվեն 1903թ-ին վերցրել է մարզաշապիկի սև-սպիտակ գույները: Խաղն ավարտվեց 1-1 հաշվով:
Շնորհավորում եմ "Յուվեի" բոլոր երկրպագուներին: Հուսանք այս մարզադաշտում "Յուվեն" կարձանագրի փայլուն հաջողություններ, ինչպիսիք միշտ տեսել ենք նախկինում: Forza JUVE!!!!!!!
0 comments:
Отправить комментарий