Այո, ես կատարյալ անկյալ եմ: Իսկ դրա դեմ պետք է պայքարել.. Դե ասում են դրա համար պետք է ուղղակի կամք դրսևորել, բայց քանի որ էդպես շատ եմ փորձել, ու արդյունք համարյա չկա, փորձեմ անել ինչպես պրոֆեսիոնալները` մշակել երկարաժամկետ ռազմավարություն և հետևել դրան.
Անկյալության հաղթահարման ռազմավարական ծրագիր /2010-2013/
Գործողության վայրը` այնտեղ, որտեղ ես եմԾրագրի մասնակիցների թիվը` 1 հոգի
Ծրագրի շահառուներ` այն մարդիկ, որոնց հետ ես առնչվում եմ /պարզվեց բավականին շատ են, ակտիվ լինելն էլ էդ է/ + դուք, իմ սիրելի ընթերցողներ
Աշխատանքային լեզու` հայերեն
Ծրագրի նպատակը` հաղթահարել իմ անկյալությունը ոչ ֆորմալ մեթոդների համակարգված կիրառման միջոցով:
Նկարագրություն:
Ծրագիրը բաղկացած է լինելու 2 փուլից: Առաջին փուլի ընթացքում հիմնախնդրի լուծման համար համակարգված ձևով կկիրառվեն հատուկ մշակված հոգեբանական հնարքներ, որոնք կնպաստեն անկյալության հաղթահարմանը: Առաջին փուլն ընթանալու է 2010-ի հոկտեմբերից մինչև 2011-ի հունիս:
Անկյալությունը, որպես մեծագույն չարիք, իրենից ներկայացնում է մարդու մի առանձին վիճակ, որը հիմնականում չի ենթարկվում ոչ ուղեղին, ոչ հոգուն: Այն ավելի շատ ցանկասիրական բնույթի զգայական վիճակ է: Այդ պատճառով անկյալության հաղթահարման համար առավել նպատակահարմար ենք համարում կիրառել այլ զգացումներ ու ցանկություններ, որոնք իրենցից ներկայացնում են առավել բարձր արժեք: Անդրադառնանք դրանց.
1. Պատասխանատվություն: Առօրյայում մեր ունեցած գործերի մեծ մասը մեր ստանձնած պարտավորությունների արդյունք են, և եթե ինչ-որ հարցում պատասխանատվություն են վերցնում, ուրեմն կատարում են: Ուրեմն շատ դեպքերում, և ավելի լավ է միշտ անել գործերը զուտ գոնե պատասխանատու մարդ մնալու համար:
2. Հոգևոր կողմ: Ծուլությունը, նույն ինքը` անկյալությունը, դասվում է յոթ մահացու մեղքերի շարքին, քանզի Աստված մեզ շնորհներ է տվել, որոնք պետք է ի նպաստ դնել բարի գործի: Եվս մեկ շատ կարևոր գործոն ընդդեմ անկյալության:
3. "Եկուց-մյուս օր երեխես...": Շատ տարածված արտահայտություն, որն անում են երիտասարդները, երբ հազվադեպ սկսում են մտածել իրենց ապագայի և իրենց ընտանիքի մասին: Ես էլ համենայն դեպս կուզենայի բարեկեցիկ կյանք ունենալ, իսկ դրա համար պետք է կրկին աշխատել:
4. Արդյունավետության տեսություն: Երևի ծիծաղելի է անգամ, բայց մի քանի անգամ "արդյունավետություն" թեմայով անհատական աշխատանքներ գրելուց հետո այս տնտեսագիտական կատեգորիան իմ համար վերածվել է արժեքային կատեգորիայի: Այսպիսով, անհրաժեշտ է ռեսուրսների սահմանափակության պայմաններում հասնել առավելագույն արդյունքի` ռեսուրսների արդյունավետ օգտագործման շնորհիվ, ընդ որում այդ ռեսուրսներից միակ սպառվող-չվերականգնվողը ժամանակն է: Ուրեմն` ի գործ, ինչպես երբեմն հնչում է Հ1-ի թարգմանությամբ ֆիլմերում:
5. Ցանկություն: Իհարկե, այս ամենից զատ, ամենակարևոր գործոնը ինչ-որ բան անելու համար դա զուտ ցանկությունն է: Ցանկությունն ու հետաքրքրությունը, ներսում եռացող էներգիան, որը ստիպում է արարել:
Ահա այն հոգեբանական հնարքների ամբողջությունը, որոնցով նախատեսվում է պայքարել իմ անկյալության դեմ:
Երկրորդ փուլ` 2011 հունիս - 2013 հունիս: Այս փուլի նկարագրությունը տրվում է մեկ արտահայտությամբ` Հայկական բանակ:
Էսքանը, ժողովուրդ ջան, մնում է էս ծրագիրը ֆինանսավորող գտնել: Կարծում եմ վերոհիշյալ ԱՀՌԾ-ի ճիշտ կիրառման դեպքում կարելի է հասնել նաև առավել հայտնի ԱՀՌԾ-ի` աղքատության հաղթահարման ռազմավարական ծրագրի նպատակներին: :Ճ
Հ.Գ. Ինչպես էլ չալարեցի, էսքանը գրեցի :ՃՃՃ
Inchel erkarazhamket er. Bayc erkrord pul@ aveli lav u hetaqrqir er. Barov hasnes razmavarakan tsragreri iragorcman@ (chnayac ankyal ches, u aveli lav e et ameninch@ qo paragayum vernagrel` "Aveli ashxataser u aktiv linel@ chi xangari" ).
ОтветитьУдалитьKar shaatttttt petqakan u azdecik nyut er!!Apris du!!!henc s nyutov el pti arajnordvim motaka mi qani orva ev hetagayum amboxj kyanqi @ntacqum!!!:-))))))))
ОтветитьУдалитьKar mi ban el es avelcnem???ete cheq karox kentronanal,pakeq achqer@ u pordzeq chmtacel hech bani masin...glxum exac sax mtqer@ durs bereq u heto erb kzgaq or patrast eq, baceq achqern u anceq gorci:-)@ndzi kogne;-)))))))
ОтветитьУдалитьAn jan, hankarc 2rd masov charajnordvis!!
ОтветитьУдалитьShat lav metod er.. ed metodi urish tarberakov krnas tekuz inch or urish ban kuzes shat arag kam enes, kam ed masin sax mtqerd xosas u durs tas mijicd.. ed kargi banm erel enq Caxkacor!
ОтветитьУдалить