Աշխարհի ամենախելացիները

Բոլորիս մոտ էլ կյանքում գալիս է մի իրավիճակ, երբ կարծում ենք, որ եթե ոչ շատ, գոնե բավականին խելացի ենք, ու երբեմն իրոք չենք սխալվում: Սակայն երբեք չի մարում մեր ներքին ցանկությունը առավել խելացի ու բանիմաց երևալու: Կարծում եմ հենց դրա արդյունքում էլ առաջացել են տարբեր ինտելեկտուալ խաղերը, որոնք հիմա շատ սիրված են միլիոնավոր մարդկանց կողմից:
Բայց ինչքան էլ մենք փորձենք խելացի երևալ մեր շրջապատում, ինչքան էլ ուրախանանք Արմենիայով ցուցադրվող ЧГК-ի հարցերին հեշտությամբ պատասխանելու համար, կան մարդիկ, ովքեր մեզ ու ամբողջ աշխարհին ստիպում են զսպել մեր հավակնությունները: Այդպիսիները շատ են, սակայն այսօր  անդրադառնանք նրանցից 5-ին, ովքեր ունեն ամենաբարձր IQ-ներն աշխարհում: Այսպիսով`

5. Էնդրյու Ուայլս - IQ=170: 1953թ.-ին ծնված ամերիկացի գիտնականը ներկայումս մաթեմատիկայի պրոֆեսոր է Փրիստոնի համալսարանում: 1994-ին նա զարմացրեց ամբողջ աշխարհին` ապացուցելով Ֆերմայի թեորեմը:

4. Գարի Կասպարով - IQ=190: Բոլորիս հայտնի շախմատիստը այս հարցում նույնպես փայլում է: 47-ամյա գրոսմայստերը, որ կրում է շախմատի աշխարհի 13-րդ չեմպիոնի տիտղոսը, հայտնի է նաև որպես գրող և հասարակական գործիչ:

3. Ֆիլիպ Էմեգվալի - IQ=190: 1954-ին Նիգերիայում ծնված գիտնականը իր մասին բարձրաձայնել է նավթային դաշտերի ուսումնասիրման գործում գերհամակարգիչների օգտագործման շնորհիվ:

2. Քրիստոֆեր Լանգան - IQ=195: Ծնվել է 1957-ին: Առաջարկել է աշխարհի կոգնիտիվատեսական մոդելի տեսությունը: Իրեն ներկայացնում է որպես ինքնուս, ով ամեն ինչի ինքնուրույն է հասել: Իսկ սկսել է նա բարի պահակից: 

1. Կիմ Ունգ Յոնգ - IQ=210: Կորեացի հանճարն ունի լեզուների  և մաթեմատիկայի ուսումնասիրման բացառիկ կարողություններ: Ըստ Գիննեսի ռեկորդների գրքի` հանդիսանում է աշխարհի բոլոր ժամանակների ամենախելացի մարդը: 

Իրոք անհամեմատելի են: Իսկ համեմատվելու համար կարող ենք վերցնել ավելի ցածր IQ ունեցող հայտնի մարդկանց, օրինակ` Շակիրային կամ Մադոննային` 140 գնահատականով, Շվարցենեգերին` 135, կամ ավելի հարմար է` Ջ. Բուշ Կրտսերին` ընդամենը 91:

Դուք էլ փորձեք ձեր IQ-ն և եթե այն 100-ից բարձր է, կարող եք վստահ լինել, որ հիմար չեք, իսկ եթե ավելին է, ուրեմն կարելի է նույնիսկ ուրախանալ:  Դա կարող եք անել նշված կայքերում`

http://www.iqtop.ru/

http://www.iq160.ru/

http://www.iq-test-free.ru/

Եթե հանկարծ բարձր միավորներ հավաքեցիք, չմոռանաք քոմենթել!!! :)